کینیڈا میں پانچ لڑکوں اور لڑکیوں سے زیادتی پر پاکستانی نژاد امام مسجد گرفتار

کینیڈا میں پانچ لڑکوں اور لڑکیوں سے زیادتی پر پاکستانی نژاد امام مسجد گرفتار

ٹورنٹو(28 اگست 2011) کینیڈا کی پولیس نے ایک مسجد کے امام کو 5 لڑکوں اور لڑکیوں سے زیادتی کے الزام میں گرفتار کرکے تفتیش شروع کردی ہے پاکستانی نژاد 48 سالہ محمد منصور کے خلاف 5 مختلف لوگوں کے ساتھ جنسی زیادتی کے الزام میں تفتیش جاری ہے جنہوں نے اس کے خلاف رپورٹس درج کرائی تھیں تاہم پولیس نے ان کی شناخت ظاہر نہیں کی اس کے علاوہ پولیس نے شبہ ظاہر کیا ہے کہ محمد منصور دنیا کے مختلف ملکوں میں جعلی شناختی دستاویزات پر سفر بھی کرتا رہا ہے جن میں آسٹریا‘ اٹلی‘ ہنگری‘ قطر‘ انڈیا‘ سعودی عرب اور دیگر ملک شامل ہیں جن جعلی دستاویزات پر اس نے سفر کیا ان میں اس کے نام جنید سلمان‘ عبدالرحیم ‘ عبدالکریم اور عبدالعزیز شامل ہیں محمد منصور 2008ءسے کینیڈا میں مقیم ہے اور بیت المکرم اسلامک سوسائٹی مسجد میں امام مسجد کے فرائض انجام دے رہا تھا جن لوگوں نے اس پر جنسی زیادتی کے الزام لگائے ہیں انہوں نے بتایا کہ اس نے ان کے ساتھ نومبر 2008سے جولائی 2011ءکے دوران زیادتی کی ہے

کینیڈا میں گرفتار ہونے والا امام مسجد محمد منصور

اس خبر کو ایک انٹرنیشنل انگریزی اخبار پر پڑھنے کے لئے کلک کریں